Макпал Дуйсенбекова

01 Jul 2019  |  Опубликовано в Вопросы-ответы, От абитуриента

Вопрос:

Салеметсіз бе ,менің сіңілім Алматы қаласындағы Абай атындағы дарын мектебін Алтын белгіге бітіріп еді,өкінішке орай Ұбт дан 88балл алып калды,ата-аналары ажырасып кеткен еді,сіздердің тараптарыңыздан ректорлық грантқа түсуге мүмкін бола ма,жалғызілікті анасы бар.Сізден өтініш сұрап отырмын. Сізден жақсы хабар аламын.Рахмет.

Ответ:

Қайырлы күн!

ҚазҰМУ-да Ректорлық грант қарастырылмаған. Бірақ Сіз республикалық бюджет немесе жергілікті бюджет қаражаты есебінен жоғары білімнің білім беру грантын беру КОНКУРСЫНА қатысуыңызға болады.

2018 жылғы 31 қазандағы № 600 ҚР БжҒМ бұйрығымен  (ҚР БжҒМ 14.06.2019 жылғы № 269 бұйрығымен бекітілген өзгерістер) бекітілген «Жоғары және жоғары оқу орнынан кейінгі білім берудің білім беру бағдарламаларын іске асыратын білім беру ұйымдарында білім алуға қабылдаудың үлгілік қағидалары негізінде» жоғары білім берудің білім беру бағдарламаларының келесі топтары:

  • «Жалпы медицина»
  • «Педиатрия»
  • «Стоматология»
  • «Мейірбике ісі»

бойынша оқуға түсу үшін екі емтихан тапсыру керек:

1) психометриялық тестілеу түрінде арнайы емтихан;

2) Бірыңғай Ұлттық Тестілеу (ҰБТ).

2019 жылдың 20 маусымы мен  7 шілдесі аралығында психометриялық емтиханнан өту үшін өтініштер қабылданады.

Психометриялық емтиханды Қазақстан Республикасындағы кез келген МЕДИЦИНАЛЫҚ жоғары оқу орындарында және медициналық факультеттері бар жоғары оқу орындарында тапсыруға болады.

Психометриялық тестілеу тапсыру үшін қабылдау комиссиясына келесі құжаттарды тапсырады:

  • жалпы орта немесе техникалық және кәсіптік, орта білімнен кейінгі білімі туралы құжат (төлнұсқа);
  • 3 x 4 сантиметр көлеміндегі 2 фотосурет;
  • жеке басын куәландыратын құжаттың көшірмесі;
  • ҰБТсертификаты (бар болса);

Психометриялық емтихан 2019 жыдың 8-13 шілде аралығында өткізіледі.

Арнаулы емтихан «ӨТТІ» немесе «ӨТПЕДІ» деген нысанда бағаланады.

Психометриялық емтиханның нәтижелері бойынша оқуға түсушіге қабылдайтын оқу орына ұсыну үшін ведомосынан үзінді беріледі.

Күнтізбелік жылда психометриялық тестілеуді қайта тапсыруға  РҰҚСАТ БЕРІЛМЕЙДІ.

Республикалық Конкурсқа өтініштерді қабылдау мерзімі 13 мен 20 шілде аралығы, Жергілікті атқарушы органдардың (ЖАО- акимат) комиссиясының отырыстары жоғары білім алуға ақы төлеу үшін білім беру грантын беру үшін 5- 10 тамызға дейін.


_ _ _

Loading