23.01.2013 күні С.Ж.Асфендияров атындағы ҚазҰМУ-ң №4 аудиториясында стоматология факультетінің деканы Амантаев Бақанай Амантайұлы және ректордың оқу және тәрбие жөніндегі орынбасары, проректор Төлебаев Қазбек Ағабылұлы стоматология институтының 1-2 курс студенттерімен дәстүрлі кездесу өткізді. Кездесудің басты мақсаты студенттерді 2-ші көктемгі семестрдің басталуымен құттықтап,оларды мазалап жүрген сұрақтарға толыққанды жауап беру еді.
Кездесу барысында мультимедиялық тақта арқылы университет ректоры Ақанов Айқан Ақанұлының студенттерге жолдауы көрсетілді. Айқан Ақанұлы студенттерді жаңа оқу жылының 2-ші жартысымен құттықтай отыра өзінің жылы лебізін жеткізіп, сабаққа деген ынталарын арттыра түсуін сұрады.
Әрмен қарай студенттер Төлебаев Қазбек Ағабылұлына өздерін мазалап жүрген сауалдарын қойып, сол сұрақтарға толық , нақты жауап алуларымен қатар , білім сапасын арттыруға байланысты өздерінің жаңа идеяларымен бөлісті.Сонымен қатар,модуль жетекшілері,кафедра меңгерушілермен де сұрақ-жауап алмасты.
Келесі кезекте факультет деканы Бақанай Амантайұлы ҚР президенті Нұрсұлтан Назарбайұлының «Қазақстан-2050» стратегиялық бағдарламасымен таныстырды.
Деканның білім жөнінде орынбасары Құсмолдаева Жазира Нұрасылқызы мен тәрбие – ісі жөнінде декан орынбасары Алмагүл Сайфутдинқызына сөз берілді. Институт жайлы дайындалған арнайы слайдта студенттер назарына ұсынылды.
Ақпараттандыру және қоғамдық істер секторы Ермек Динара
